Datorren igandean, irailak 6, TRAPAGARAN ZUGAZTIETA IGOERA 2020 Trail Running Kronoigoera lehiatuko da. Trapagarango Udalaren Kirol eta Turismo Sailak eta Labegane atletismo-klubak (Trapagaran) antolatzen dute. Parte hartzera animatzen zaituztegu: izen-emateetan biltzen den dirua Caritasi emango zaio eta egoera txarrean dauden herriko familiei laguntzera bideratuko da. Ikusleek ere ekarpena egiteko aukera izango dute dortsal solidarioen bitartez, hiru eurotan erosita.
Kronoigoera aukera paregabea da trail runningeko atleta onenak natura-ingurune apartekoa zeharkatzen duen ibilbidean ekinean ikusteko.
Trapagarango udaletxetik abiatuko da lasterketa 9:00etan. Ibilbideak 7.200 metro inguru ditu, eta desnibela 400 metrokoa da.
Dortsalak ostiralean jasoko dira (hilaren 4an) 17:00etatik 19:30era bitartean, eta larunbatean (hilaren 5ean) 10:00etatik 13:30era, Trapagarango udaletxean.
Euskotrenekin akordioa eginda, parte-hartzaileak doan ibili ahalko dira funikularrean probaren egunean dortsala erakutsita. Antolatzaileek autoa Zugaztietako aparkalekuan uztea gomendatzen dute, eta Trapagarango irteerara funikularrean joatea.
Bidali zure iradokizunak
Udal zerbitzu edo proiekturen bat hobetu daitekeela uste baduzu, idatz iezaguzu.
Jar zaitez gurekin harremanetan
omtrapaga@gmail.com
